catch

fur Mam

dir a ston atap da freezer lid
at howlds in da cowld at keeps
seevin Friday fries fae da deep
steer at fed ten an den hid

nawtheen whan faeth cam a knockin
an traaled ayont da aedge o aa sicht
ta raek abön da tap o aa micht
ta makk a record nivvir brokkin

bi da fit o da creek
a saat slice o rich speereet
is frozen on a siller crested ston

i da haert ston’s mindin tick reek
haes risen tae see atom’s spleet
a clean page tae scrieve a pure life on

Christie Williamson